ശബരിമല: മണ്ഡല മഹോത്സവത്തിന് സമാപനം കുറിച്ച്‌ ശബരിമല നട അടച്ചു. മകരവിളക്കിനായി ഈ മാസം 30ന് വീണ്ടും നട തുറക്കും. മണ്ഡലകാലത്തെ അവസാന ദിവസമായ ഇന്നും വന്‍ തിരക്കാണ് ശബരിമലയില്‍ അനുഭവപ്പെട്ടത്.കഴിഞ്ഞ ദിവസങ്ങളിലും വന്‍ തിരക്കായിരുന്നു അനുഭവപ്പെട്ടത്. അവസാന ദിവസങ്ങളില്‍ ശരാശരി 80,000നും ഒരു ലക്ഷത്തിനും അടുത്ത് ഭക്തരാണ് ദര്‍ശനം നടത്തിയത്.
തിരക്ക് വന്‍ തോതില്‍ വര്‍ധിച്ചതിനേത്തുടര്‍ന്ന് തീര്‍ഥാടകര്‍ക്ക് കര്‍ശന നിയന്ത്രണങ്ങള്‍ ഏര്‍പ്പെടുത്തിയിരുന്നു. പത്തനംതിട്ട, ളാഹ, എരുമേലി, നിലയ്ക്കല്‍ തുടങ്ങിയ ഇടങ്ങളില്‍ തീര്‍‌ഥാടക വാഹനങ്ങള്‍ തടയുകയും ചെയ്തിരുന്നു.
