ന്യൂഡല്ഹി : അസാധുവാക്കിയ നോട്ടുകളില് 99 ശതമാനവും തിരികെയെത്തിയെന്ന് റിസര്വ് ബാങ്കിന്റെ റിപ്പോര്ട്ട്. 2016 നവംബര് എട്ടിന് 15.44 ലക്ഷം കോടിയുടെ നോട്ടുകളാണ് കേന്ദ്രസര്ക്കാര് അസാധുവാക്കിയത്. ഇതില് 15.28 ലക്ഷം കോടി തിരികെയെത്തിയെന്നാണ് റിസര്വ് ബാങ്ക് പുറത്തുവിട്ട വാര്ഷിക റിപ്പോര്ട്ടില് പറയുന്നത്. 6.7ലക്ഷം കോടിയുടെ ആയിരം രൂപ നോട്ടുകളാണ് രാജ്യത്തുണ്ടായിരുന്നത്. ഇതില് 8900 കോടി രൂപയുടെ ആയിരം രൂപ നോട്ടുകള് ഒഴിച്ചുള്ളവ തിരികെയെത്തിയെന്നും റിപ്പോര്ട്ടില് പറയുന്നു.