വാരണസി: ലോക്സഭാ തെരഞ്ഞെടുപ്പില്‍ ഉത്തര്‍പ്രദേശിലെ എസ്പി-ബിഎസ്പി സഖ്യം അവസാന വാക്കല്ലെന്ന് മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ പി. ചിദംബരം. കഴിഞ്ഞ ദിവസമാണ് യുപിയില്‍ ബിജെപിയെ നേരിടാന്‍ കോണ്‍ഗ്രസിനെ കൂടാതെ സമാജ്‌വാദി പാര്‍ട്ടിയും ബഹുജന്‍ സമാജ്‌ പാര്‍ട്ടിയും കൈ കോര്‍ത്തത്. 26 വര്‍ഷത്തിനു ശേഷമാണ് ഇരു പാര്‍ട്ടികളും സഖ്യത്തിലെത്തുന്നത്.അതേസമയം 2014ലെ ലോക്സഭാ തെരഞ്ഞെടുപ്പില്‍ കോണ്‍ഗ്രസ് രണ്ട് സീറ്റുകളില്‍ മാത്രമാണ് വിജയിച്ചത്.പാര്‍ട്ടിക്ക് യുപിയില്‍ പുതിയ സഖ്യത്തിന് സാധ്യതയുണ്ടെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
