രാഷ്ട്രീയം മറന്ന ഒത്തുചേരലും താരസംഗമവുമായിരുന്നു പ്രതിപക്ഷനേതാവ് രമേശ്‌ ചെന്നിത്തലയുടെ മകന്‍ രോഹിതിന്‍റേയും ശ്രീജ ഭാസിയുടേയും വിവാഹത്തിന്. രാഷ്ട്രീയ- സിനിമ- സാംസ്കാരിക രംഗത്തെ പ്രമുഖര്‍ പങ്കെടുത്ത വിവാഹത്തിന്‍റെ ഹൈലൈറ്റ് വീഡിയോ പുറത്തിറങ്ങി.
മുഖ്യമന്ത്രി പിണറായി വിജയന്‍, മുന്‍മുഖ്യമന്ത്രി ഉമ്മന്‍‌ചാണ്ടി, ബിജെപി സംസ്ഥാന അധ്യക്ഷന്‍ പിഎസ് ശ്രീധരന്‍പിള്ള, പ്രമുഖ വ്യവസായി എം എ യൂസഫലി, തിരുവഞ്ചൂര്‍ രാധാകൃഷ്ണന്‍, ശശി തരൂര്‍, നടന്‍ മമ്മൂട്ടി, വെള്ളാപ്പള്ളി നടേശന്‍ , എം ജി ശ്രീകുമാര്‍ തുടങ്ങിയവര്‍ ചടങ്ങില്‍ പങ്കെടുത്തു.
അങ്കമാലി ആഡ്ലക്സ് കണ്‍വെന്‍ഷന്‍ സെന്ററില്‍ വെച്ചായിരുന്നു ചടങ്ങുകള്‍. രോഹിത് കൊച്ചിയിലും ശ്രീജ അമേരിക്കയിലും ഡോക്ടര്‍മാരാണ്. വ്യവസായിയായ ഭാസിയുടെ മകളാണ് ശ്രീജ.
