ന്യൂഡല്‍ഹി : പുതിയ കാര്‍ഷിക നിയമങ്ങളില്‍ ഭേദഗതി വരുത്തണമെന്ന നിര്‍ദ്ദേശത്തില്‍ ആശങ്കകള്‍ വ്യക്തമാക്കണമെന്നും അടുത്ത ചര്‍ച്ചയ്ക്ക് സൗകര്യപ്രദമായ തീയതി തിരഞ്ഞെടുക്കണമെന്നും സര്‍ക്കാര്‍ കര്‍ഷകരോട് ആവശ്യപ്പെട്ടു.സര്‍ക്കാരുമായി ചര്‍ച്ച നടത്തിക്കൊണ്ടിരിക്കുന്ന യൂണിയന്‍ നേതാക്കള്‍ കരട് നിര്‍ദ്ദേശത്തില്‍ പറഞ്ഞ ആശങ്കകളുടെയും സംശയങ്ങളുടെയും വിശദാംശങ്ങള്‍ നല്‍കണമെന്നും അടുത്ത ഘട്ട ചര്‍ച്ചകള്‍ക്ക് സൗകര്യപ്രദമായ ഒരു തീയതി നിര്‍ദ്ദേശിക്കണമെന്നും കേന്ദ്ര കൃഷി മന്ത്രാലയം ജോയിന്റ് സെക്രട്ടറി വിവേക് അഗര്‍വാള്‍ കര്‍ഷകരോട് അഭ്യര്‍ത്ഥിച്ചു.
മൂന്ന് നിയമങ്ങള്‍ റദ്ദാക്കണമെന്ന് ആവശ്യപ്പെട്ട് മൂന്നാഴ്ചയിലേറെയായി ഡല്‍ഹിയിലെ വിവിധ അതിര്‍ത്തി സ്ഥലങ്ങളില്‍ തമ്പടിക്കുന്ന കര്‍ഷക യൂണിയനുകളും സര്‍ക്കാരും തമ്മില്‍ നടന്ന അഞ്ച് ഘട്ട ചര്‍ച്ചകള്‍ പരാജയപ്പെട്ടിരുന്നു.
