തിരുവനന്തപുരം : ഹിന്ദു ഐക്യവേദി ശശികലയെ പോലീസ് അറസ്റ്റ് ചെയ്ത സംഭവത്തിൽ സംസ്ഥാന വ്യപകമായി നടക്കുന്ന ഹർത്താലിനിടെ കെഎസ്‌ആര്‍ടിസി ബസിനുനേരെ കല്ലേറ്. തിരുവനന്തപുരം ബാലരാമപുരത്ത് കെഎസ്‌ആര്‍ടിസി ബസിനുനേരെ കല്ലേറുണ്ടായി. കല്ലേറില്‍ ബസിന്‍റെ ചില്ലുകള്‍ തകര്‍ന്നു.
ശബരിമലയിലേക്കു പോകാനായി എത്തിയ ശശികലയെ മരക്കൂട്ടത്തുവച്ച്‌ പോലീസ് തടഞ്ഞിരുന്നു. ഇതേത്തുടര്‍ന്ന് പോലീസുമായി മരക്കൂട്ടത്തു തര്‍ക്കമുണ്ടായി. ശബരിമലയിലെത്താതെ താന്‍ തിരികെ പോകില്ലെന്നു ശശികല പോലീസിനെ അറിയിച്ചു. ഇതോടെയാണ് പോലീസ് ശശികലയുടെ അറസ്റ്റ് രേഖപ്പെടുത്തിയത്. ഹിന്ദു ഐക്യവേദിയും ശബരിമല കര്‍മസമിതിയുമാണ് രാവിലെ 6 മുതൽ വൈകിട്ട് 6 വരെ ഹർത്താൽ ആഹ്വാനം ചെയ്തത്.
