തിരുവനന്തപുരം: പാചകവാതക വിലവര്ധനവ് കേന്ദ്രത്തിന്റെ ഓണസമ്മാനമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പരിഹസിച്ചു. ഈ തീരുമാനം കേന്ദ്ര സര്ക്കാരിന്റെ സാധാരണക്കാരനോടുള്ള വെല്ലുവിളിയാണ്. എല്ലാമാസവും സിലണ്ടര് വില വര്ധിപ്പിക്കുകയാണ് കേന്ദ്രം. ഇതിലൂടെ മാര്ച്ചോടെ പാചകവാതക സബ്സിഡി പൂര്ണമായും അവസാനിപ്പിക്കാനുള്ള നീക്കമാണ്. കുത്തകകള്ക്ക് കൊള്ളലാഭമുണ്ടാക്കികൊടുക്കണമെന്ന താല്പര്യമാണ് നീക്കത്തിനു പിന്നില്. പാവപ്പെട്ടവന്റെ അടുപ്പില് തീ പുകയണമെന്ന ആഗ്രഹം കേന്ദ്രത്തിനില്ലെന്നും കോടിയേരി പറഞ്ഞു.