കോഴിക്കോട് : മുസ്ളീം എജുക്കേഷണല് സൊസൈറ്റി (എം.ഇ.എസ്) യുടെ കീഴിലുള്ള കോളേജുകളില് മുഖം മറച്ചുള്ള വസ്ത്ര ധാരണം നിരോധിച്ചുകൊണ്ട് സര്ക്കുലര്. അടുത്ത അധ്യയന വര്ഷം മുതല് മുഖം മറച്ചുള്ള വസ്ത്രധാരണം പാടില്ലെന്നാണ് സര്ക്കുലറില് പറയുന്നത്. ഹൈക്കോടതി വിധിയുടെ അടിസ്ഥാനത്തിലാണ് പുതിയ നിയമമെന്ന് എംഇഎസ് പ്രസിഡന്റ് ഡോ. കെ പി ഫസല് ഗഫൂര് വ്യക്തമാക്കി.
പൊതുസമൂഹത്തിന് സ്വീകാര്യമല്ലാത്ത വസ്ത്രധാരണം മതാചാരങ്ങളുടെ പേരിലായാലും ആധുനികതയുടെ പേരിലായാലും അംഗീകരിക്കാന് കഴിയില്ലെന്ന് സര്ക്കുലറില് പറയുന്നു. ഇത് നിയമമായി ഉള്പ്പെടുത്തി പുതിയ അധ്യായന വര്ഷത്തെ കോളെജ് കലണ്ടര് തയ്യാറാക്കണം. ഇക്കാര്യത്തില് സ്ഥാപനമേധാവികളും ലോക്കല് മാനേജ്മെന്റ് ഭാരവാഹികളും ജാഗ്രത പുലര്ത്തണമെന്നും സര്ക്കുലറില് നിര്ദേശമുണ്ട്.