ന്യൂഡൽഹി: ലോക്സഭാ തെരഞ്ഞെടുപ്പിന്‍റെ നാലാംഘട്ട വോട്ടെടുപ്പ് തിങ്കളാഴ്ച നടക്കും. ഒന്പതു സംസ്ഥാനങ്ങളിലായി 72 ലോക്സഭാ മണ്ഡലങ്ങളാണ് ജനവിധി തേടുന്നത്. മഹാരാഷ്ട്രയിലും ഒഡീഷയിലും ഈ ഘട്ടത്തോടെ പോളിംഗ് പൂർത്തിയാകും.
മഹാരാഷ്ട്രയിൽ 17, രാജസ്ഥാൻ, ഉത്തർപ്രദേശ് എന്നിവിടങ്ങളിൽ 13, പശ്ചിമബംഗാളിൽ എട്ട്, മധ്യപ്രദേശ്, ഒഡീഷ എന്നിവിടങ്ങളിൽ ആറ്, ബീഹാറിൽ അഞ്ച്, ജാർഖണ്ഡിൽ മൂന്ന്, ജമ്മു കാഷ്മീരിൽ ഒന്ന് എന്നിങ്ങനെയാണ് നാലാം ഘട്ടത്തിൽ ജനവിധി തേടുന്ന വിവിധ സംസ്ഥാനങ്ങളിലെ മണ്ഡലങ്ങളുടെ എണ്ണം.
നാലാംഘട്ടവും പൂർത്തിയാകുന്നതോടെ വിവിധ സംസ്ഥാനങ്ങളിലായി 374 സീറ്റുകളിലേക്കുള്ള ലോക്സഭാ തെരഞ്ഞെടുപ്പ് പൂർത്തിയാകും. കഴിഞ്ഞ ഘട്ടങ്ങളിലുണ്ടായ അക്രമ സംഭവങ്ങൾ കണക്കിലെടുത്ത് പശ്ചിമ ബംഗാളിൽ ഇത്തവണ സുരക്ഷ കൂടുതൽ ശക്തമാക്കിയിട്ടുണ്ട്.
