തിരുവനന്തപുരം: എണ്ണുന്ന ഓരോ തപാല് വോട്ടുകളും കൗണ്ടിംഗ് ഏജന്റുമാരെ കാണിക്കണമെന്നും അന്തിമ ഫല പ്രഖ്യാപനം വരുന്നതിന് മുന്പ് വോട്ടെണ്ണലുമായി ബന്ധപ്പെട്ട എല്ലാ കാര്യങ്ങളും അവരെ ബോധ്യപ്പെടുത്തണമെന്നും പ്രതിപക്ഷ നേതാവ് രമേശ് ചെന്നിത്തല. ഈ ആവശ്യം ഉന്നയിച്ച് കേന്ദ്ര മുഖ്യ തെരെഞ്ഞെടുപ്പ് കമ്മീഷണര്, സംസ്ഥാന മുഖ്യ തെരഞ്ഞെടുപ്പ് ഓഫീസര്, സംസ്ഥാനത്തെ പോസ്റ്റല് ബാലറ്റുകളുടെ പിന്തുണയുള്ള അഡിഷണല് ചീഫ് ഇലക്ടറല് ഓഫീസര് എന്നിവര്ക്ക് ചെന്നിത്തല കത്തയച്ചു.
വോട്ടെണ്ണലില് മനപ്പൂര്വം കൃത്രിമം കാണിക്കാന് ശ്രമിക്കുന്ന ഉദ്യോഗസ്ഥരെ പ്രോസിക്യൂട്ട് ചെയ്യണം. പോസ്റ്റല് ബാലറ്റുകളിലെ മാര്ക്കിംഗ് കൗണ്ടിംഗ് ഏജന്റുമാരുടെ മുന്നില് പ്രദര്ശിപ്പിക്കണം. ഓരോ ബൂത്തുകളിലെയും മൊത്തം ഫലങ്ങള് കൗണ്ടിംഗ് ഏജന്റുമാരെ കാണിച്ചു ബോധ്യപ്പെടുത്തണം. തുടങ്ങിയ ആവശ്യങ്ങളും അദ്ദേഹം കത്തില് ഉന്നയിച്ചു.