ബംഗളൂരു: കര്‍ണാടകയിലെ വിമത എംഎല്എമാരുടെ രാജിക്കാര്യത്തിലെ സുപ്രീംകോടതി വിധിയെ സ്വാഗതം ചെയ്ത് സ്പീക്കര്‍ രമേഷ് കുമാര്‍. ചരിത്ര വിധിയാണിതെന്നും സ്പീക്കര്‍ പ്രതികരിച്ചു.
എംഎല്എമാരുടെ രാജിക്കാര്യത്തില്‍ ഉചിതമായ സമയത്ത് തീരുമാനമെടുക്കുമെന്നും സ്പീക്കര്‍ അറിയിച്ചു. എംഎല്എമാരുടെ രാജിവിഷയത്തില്‍ സ്പീക്കര്‍ക്ക് തീരുമാനമെടുക്കാമെന്നാണ് സുപ്രീംകോടതി വിധി പുറപ്പെടുവിച്ചത്.
ചീഫ് ജസ്റ്റീസ് രഞ്ജന്‍ ഗോഗോയ് അധ്യക്ഷനായ ബെഞ്ചാണ് വിധി പുറപ്പെടുവിച്ചത്. അനുയോജ്യമായ സമയത്ത് സ്പീക്കര്‍ തീരുമാനമെടുക്കണമെന്നും സുപ്രീംകോടതി നിര്‍ദേശിച്ചിരുന്നു.
