പ്യോങ്യങ് : അമേരികായുമായി ചേര്‍ന്നുള്ള സൈനികാഭ്യാസം ദക്ഷിണ കൊറിയ ഉപേക്ഷിക്കണമെന്ന് ഉത്തര കൊറിയ. ഉത്തര കൊറിയയിലെ വര്‍ക്കേഴ്സ് പാര്‍ടി മുഖപത്രമായ റൊഡോങ് സിന്‍മണിലാണ് ദക്ഷിണ കൊറിയയുമായുള്ള സമാധാനശ്രമങ്ങളുടെ ഭാഗമായി ആവശ്യങ്ങള്‍ വ്യക്തമാക്കി ലേഖനം പ്രസിദ്ധീകരിച്ചത്. അമേരിക്കയുമായി ചേര്‍ന്നുള്ള സൈനികാഭ്യാസം ഭയത്തെ വര്‍ധിപ്പിക്കുന്നതും യുദ്ധഭീഷണി ഉയര്‍ത്തുന്നതുമാണ്. രാജ്യങ്ങള്‍ തമ്മിലുള്ള പിരിമുറുക്കം കുറച്ച്‌ സമാധാനം കൊണ്ടുവരികയാണ് ദക്ഷിണ കൊറിയ ആഗ്രഹിക്കുന്നതെങ്കില്‍ സഹോദര രാഷ്ട്രത്തിനെതിരെ അമേരിക്കയ്ക്കൊപ്പംചേര്‍ന്ന് നടത്തുന്ന എല്ലാ സൈനികനീക്കങ്ങളും അവസാനിപ്പിക്കുകയാണ് വേണ്ടതെന്നും ലേഖനത്തില്‍ പറയുന്നു.
