ചെല്ലാനത്ത് ഹാര്‍ബറിന്റെ നിര്‍മ്മാണ പ്രവര്‍ത്തനങ്ങള്‍ ഉടന്‍ പൂര്‍ത്തീകരിക്കുമെന്ന് മന്ത്രി മേഴ്സിക്കുട്ടിയമ്മ

214

കൊച്ചി: ചെല്ലാനത്ത് ഹാര്‍ബറിന്റെ നിര്‍മ്മാണ പ്രവര്‍ത്തനങ്ങള്‍ ഉടന്‍ പൂര്‍ത്തീകരിക്കുമെന്ന് മന്ത്രി മേഴ്സിക്കുട്ടിയമ്മ. ഉടമകള്‍ വിട്ടു നല്‍കാത്ത സ്ഥലം നിര്‍ബന്ധപൂര്‍വ്വം ഏറ്റെടുത്ത് മത്സ്യത്തൊഴിലാളികളുടെ ഉന്നമനത്തിനായി ഉപയോഗപ്പെടുത്തുമെന്നും മന്ത്രി പറഞ്ഞു. സ്ഥലം വിട്ടു നല്‍കാന്‍ ചിലര്‍ കാണിക്കുന്ന പിടിവാശിയാണ് തടസ്സമാകുന്നത്. ഇത് സര്‍ക്കാര്‍ ഏറ്റെടുക്കുമെന്നും നിര്‍മ്മാണപ്രവര്‍ത്തനങ്ങള്‍ പൂര്‍ത്തീകരിച്ച്‌ മത്സ്യത്തൊഴിലാളികള്‍ക്ക് ഹാര്‍ബര്‍ തുറന്നുകൊടുക്കുമെന്നും മന്ത്രി ഉറപ്പ് നല്‍കി. ഓഖി ചുഴലിക്കാറ്റില്‍പ്പെട്ട 1168 പേരെ രക്ഷപ്പെടുത്താനായി. ഇനിയും 113 പേരെ കണ്ടെത്താനുണ്ട്. ഇതില്‍ കൂടുതലും അന്യസംസ്ഥാനക്കാരായതിനാല്‍ തമിഴ്നാട്ടിലെയും അസമിലെയും സര്‍ക്കാരുകളോട് കാണാതായവരുടെ ലിസ്റ്റ് ആവശ്യപ്പെട്ടിട്ടുണ്ടെന്നും മന്ത്രി അറിയിച്ചു.

NO COMMENTS