കോഴിക്കോട്: വടകര സീറ്റില്‍ കോണ്‍ഗ്രസ് തന്നെ മത്സരിക്കുമെന്ന് യുഡിഎഫ് കണ്‍വീനര്‍ എം.എം. ഹസന്‍. ആർഎംപി നേതാവ് കെ.കെ. രമ മത്സരിക്കുന്നില്ലെന്ന് അറിയിച്ചതിനാലാണ് സീറ്റ് തിരിച്ചെടുക്കുന്നത്. ധര്‍മടത്ത് ശക്തമായ സ്ഥാനാര്‍ഥിയെ കണ്ടെത്താനുള്ള ശ്രമം നടക്കുന്നുണ്ടെന്നും ഹസൻ പറഞ്ഞു.
കെ.കെ. രമ മത്സരിക്കണം എന്ന അഭ്യര്‍ഥനയോടെയാണ് വടകര സീറ്റ് ആര്‍എംപിക്ക് നല്‍കിയത്. രമ മത്സരിക്കുന്നില്ല എന്ന് അറിയിച്ച സ്ഥിതിക്ക് വടകരയില്‍ യുഡിഎഫിന്‍റെ മറ്റൊരു സ്ഥാനാര്‍ഥിയെ നിര്‍ത്തും.
ധര്‍മടം സീറ്റ് ഫോര്‍വേഡ് ബ്ലോക്കിന് വേണ്ട എന്ന് അറിയിച്ച സാഹചര്യത്തിലും അവിടെയും കോണ്‍ഗ്രസ് മത്സരിക്കുമെന്ന് ഹസന്‍ കൂട്ടിച്ചേർത്തു.
