വിജ്ഞാന വിപ്ലവത്തിന്റെ കാലത്ത് വിതരണത്തിൽ സമത്വം ഉറപ്പാക്കുക എന്ന ലക്ഷ്യത്തോടെ സംഘടി പ്പിച്ച ഫ്രീഡം ഫെസ്റ്റ് രാജ്യത്തിനാകെ മാതൃകയാവുക യാണ്. സാങ്കേതിക വിദ്യയുടെയും നൂതനാശയ നിർമിതിയുടെയും സാധ്യതകൾ സാമൂഹ്യ പുരോഗതി ക്കായി എങ്ങനെ പ്രയോജനപ്പെടുത്താം എന്ന അന്വേഷണമാണ് ഈ സമ്മേളനം. രാജ്യാന്തര പ്രശസ്തരും വിദഗ്ധരും യുവജനങ്ങളും പങ്കെടുക്കുന്ന വിവിധ ചർച്ചകളാണ് മേളയുടെ മുഖ്യ ആകർഷണം.
ഫ്രീഡം ഫെസ്റ്റിന്റെ അവസാന ദിനമായ നാളെ (ചൊവ്വാഴ്ച) രാവിലെ 10ന് പ്രധാനവേദിയിൽ ‘നവകേരള നിർമിതിക്കായുള്ള സംരംഭങ്ങൾ’ എന്ന വിഷയത്തിൽ വിവിധ പ്രഭാഷണങ്ങളോടെ പരിപാടി കൾക്ക് തുടക്കമാകും. ‘ഇ – ഗവേണൻ സിൽ സംസ്ഥാനം കൈവരിച്ച പുരോഗതി’’ എന്ന വിഷയത്തിൽ ചീഫ് സെക്രട്ടറി ഡോ വി വേണു മുഖ്യ പ്രഭാഷണം നടത്തും. മുൻ പ്രതിരോധ സെക്രട്ടറി അജയ് കുമാർ, കെ ഫോൺ മാനേജിംഗ് ഡയറക്ടർ സന്തോഷ് ബാബു, ഐ.ഐ.എം കോഴിക്കോടിനെ പ്രതിനിധീകരിച്ച് ശ്രീജിത്ത് ആലത്തൂർ തുടങ്ങിയവർ ചർച്ചയിൽ പങ്കെടുക്കും.
സംസ്ഥാന ഐ. ടി സെക്രട്ടറി രത്തൻ യു കേൽകർ മോഡറേറ്ററാകും.തുടർന്ന് 11.30 മുതൽ ഒരു മണി വരെ ‘കേരളത്തിന്റെ ഡിജിറ്റൽ വിദ്യാഭ്യാസത്തിന്റെ രണ്ട് ദശാബ്ദങ്ങൾ’ എന്ന വിഷയത്തിൽ ചർച്ച സംഘടിപ്പിക്കും. ഇ- ക്യൂബ് പഠന റിപ്പോർട്ട് പൊതു വിദ്യാഭ്യാസമന്ത്രി വി. ശിവൻകുട്ടി വേദിയിൽ പ്രകാശനം ചെയ്യും. മുൻ വിദ്യാഭ്യാസമന്ത്രി എം.എ ബേബി മുഖ്യപ്രഭാഷണം നടത്തും. അഖില രാധാകൃഷ്ണൻ (സാമൂഹ്യ നയവിദഗ്ധ, യുണിസെഫ് ), ഗുരുമൂർത്തി കാശിനാഥ് (ഐ.ടി ഫോർ ചേഞ്ച്, ബാംഗ്ലൂർ), പി.കെ ജയരാജ് (സീനിയർ കൺസൾട്ടന്റ്, കൈറ്റ്) തുടങ്ങിയവർ പങ്കെടുക്കും.
തുടർന്ന് കൈറ്റ് ഐ.ടി ക്ലബ്ബ് വിദ്യാർഥികൾ അനുഭവങ്ങൾ പങ്കുവെക്കും. കൈറ്റ് സി.ഇ.ഒ അൻവർ സാദത്ത് മോഡറേറ്ററാകും.
രണ്ടു മണി മുതൽ 3.30 വരെ ‘ബാങ്കിംഗ് രംഗത്ത് ബ്ലോക്ക് ചെയിൻ: ഇന്ത്യയിൽ ഇ – റുപിയുടെ ഭാവി’ എന്ന വിഷയത്തിൽ സംവാദമാണ്. പ്രസന്ന ലോഹർ (മുൻ മേധാവി, ഇന്നോവേഷൻ – ഡിസിബി ബാങ്ക്), സുദീപ് ചൗധരി (മേധാവി, ഇന്ത്യ ബ്ലോക്ക് ചെയിൻ, എൻ.പി. സി. ഐ), മഹേഷ് ഗോവിന്ദ് (സ്ഥാപ കൻ, ഡിജിലെഡ്ജ്), ശരൺ ജോസഫ് (ഡെപ്യൂട്ടി വൈസ് പ്രസിഡന്റ്, ഫെഡറൽ ബാങ്ക്) തുടങ്ങിയവർ സംസാരിക്കും. സുനിൽ രവീന്ദ്രൻ (അലയൻസ് ടെക്‌നോളജീസ് ) മോഡറേറ്ററാകും.
രാവിലെ 10 മുതൽ വൈകീട്ട് അഞ്ച് വരെ വേദി രണ്ടിൽ കൈറ്റ് സംഘടിപ്പിക്കുന്ന ഡിജിറ്റൽ എജുക്കേഷൻ കോൺക്ലേവ് നടക്കും. ഡിജിറ്റൽ വിദ്യാഭ്യാസ രംഗത്ത് സംസ്ഥാനം നടത്തിയ മുന്നേറ്റങ്ങളും മികച്ച മാതൃകകളും ഉൾപ്പെടുത്തിയു ളളതാണ് പരിപാടി. വേദി മൂന്നിൽ രാവിലെ 10 മുതൽ ഉച്ച ഒരു മണി വരെ ‘ശാസ്ത്ര സാങ്കേതിക സഹകരണ മേഖലയിലെ സമകാലീന വിപ്ലവം’ എന്ന വിഷയത്തിൽ ശില്പശാല സംഘടിപ്പിക്കും.
വൈകീട്ട് 3.30 മുതൽ 5.30 വരെ പ്രധാന വേദിയിൽ ഫ്രീഡം ഫെസ്റ്റിന്റെ സമാപന സമ്മേളനം നടക്കും.
