തിരുവനന്തപുരം : പെരിങ്ങമ്മല ഇഖ്ബാൽ കോളേജിലെ ഇംഗ്ലീഷ് വിഭാഗം മേധാവിയും കേരള സർവകലാശാലയിലെ ഇംഗ്ലീഷ് ബോർഡ് ഓഫ് സ്റ്റഡീസ് അംഗവുമായ ഡോ.ജെ.എസ്.ജഹാംഗീറിന്റെ കവിതാ സമാഹാരം “ക്വിൻറ്റെസെൻസ് ഓഫ് സോൾ” മുഖ്യമന്ത്രി പിണറായി വിജയൻ പ്രകാശനം ചെയ്തു.
സാധാരണ പ്രമേയങ്ങളെയും ജീവിതങ്ങളെയും പ്രതിപാദിക്കുന്ന കവിതകളുടെ സമാഹാരമാണ് “ക്വിൻറ്റെസെൻസ് ഓഫ് സോൾ”. ഈ പുസ്തകത്തിന് അവതാരിക എഴുതിയിരിക്കുന്നത് ഏഷ്യാനെറ്റ് ന്യൂസ് (എഡിറ്റർ ഹെഡ്) ശ്രീ. എം ജി. രാധാകൃഷ്ണനും , പുസ്തകത്തിന്റെ ബ്ലർബ് എഴുതിയിരിക്കുന്നത് കേന്ദ്ര സാഹിത്യ അക്കാദമി ജേതാവ് ശ്രീ. പ്രഭാവർമ്മയും കേരള കൊളീജിയറ്റ് എജ്യുക്കേഷൻ ഡയറക്ടർ.ശ്രീമതി. വിഘ്നേശ്വരി ഐ എ എസുമാണ് .
എല്ലാ പ്രായത്തിലുമുള്ള ആളുകൾ പരിശീലിക്കേണ്ട മാനുഷിക മൂല്യങ്ങളെ ചുറ്റിപ്പറ്റിയാണ് കവിതകൾ. ദൈനംദിന ഇടപെടലുകളിൽ പലപ്പോഴും ഉപയോഗിക്കുന്ന വ്യക്തമായ ശൈലിയും വാചകവുമാണ് അവരെ ശ്രദ്ധേയമാക്കുന്നത്; അതിനാൽ, സാധാരണക്കാർക്ക് പോലും ഈ പുസ്തകം വായിക്കാനും ആസ്വദിക്കാനും കഴിയും.
