തിരുവനന്തപുരം: കോണ്‍ഗ്രസ് പ്രവര്‍ത്തക സമിതി എ.കെ ആന്റണിയുടെ കേരളത്തിലെ തിരഞ്ഞെടുപ്പ് പ്രചാരണ പരിപാടികള്‍ക്ക് ഏപ്രില്‍ 7ന് കാസര്‍കോട് നിന്നും തുടക്കമാകും. കൊല ചെയ്യപ്പെട്ട യൂത്ത് കോണ്‍ഗ്രസ് പ്രവര്‍ത്തകരായ കാസര്‍കോട് കല്യാട്ടെ കൃപേഷിന്റെയും ശരത് ലാലിന്റെയും വിടുകള്‍ സന്ദര്‍ശിച്ചുകൊണ്ടാണ് ആന്റണി തിരഞ്ഞെടുപ്പ് പ്രചരണ പരിപാടികള്‍ ആരംഭിക്കുന്നത്.
13 ദിവസം കൊണ്ട് എല്ലാ ജില്ലകളിലും പര്യടനം നടത്തും. 8ന് കണ്ണൂര്‍, 9ന് വയനാട്, 10ന് കോഴിക്കോട്, 11ന് മലപ്പുറം, 12ന് പാലക്കാട്, 13ന് തൃശ്ശൂര്‍, 14ന് എറണാകുളം, ഇടുക്കി ജില്ലകളും, 15ന് കോട്ടയം, 16ന് ആലപ്പുഴ, 17ന് പത്തനംതിട്ട, 18ന് കൊല്ലം, 20ന് തിരുവനന്തപുരം ജില്ലയിലും പര്യടനം നടത്തും.
