തിരുവനന്തപുരം : സംസ്ഥാനത്ത് സൈബര് കുറ്റകൃത്യങ്ങള് അന്വേഷിക്കുന്ന സംഘത്തില് വനിതാ പൊലീസ് ഉദ്യോഗസ്ഥരുടെ എണ്ണം വര്ദ്ധിപ്പിക്കുമെന്ന് മുഖ്യമന്ത്രി പിണറായി വിജയന്. പ്രതിവാര സംവാദ പരിപാടിയായ നാം മുന്നോട്ടില് സംസാരിക്കുകയായിരുന്നു മുഖ്യമന്ത്രി. സംസ്ഥാനത്ത് സൈബര് കുറ്റകൃത്യങ്ങള് വര്ദ്ധിച്ചുവരുന്ന സാഹചര്യത്തില് അന്വേഷണത്തിന് വിപുലമായ സംവിധാനമാണ് സര്ക്കാര് ഒരുക്കിയിട്ടുള്ളത്. കേസുകള് വര്ദ്ധിച്ചുവരുന്നത് ഗൗരവത്തോടെയാണ് സര്ക്കാര് കാണുന്നതെന്നും മുഖ്യമന്ത്രി പിണറായി വിജയന് വ്യക്തമാക്കി. സ്ത്രീകള്ക്കെതിരെയുള്ള കുറ്റകൃത്യങ്ങള് തടയുന്നതിന് സമഗ്രമായ വനിതാ നയം ആവിഷ്കരിക്കും. സ്ത്രീ സൗഹൃദ സംസ്ഥാനമാക്കി കേരളത്തെ മാറ്റുകയാണ് സര്ക്കാര് ലക്ഷ്യമിടുന്നതെന്നും മുഖ്യമന്ത്രി പറഞ്ഞു.