സിയൂള്‍ : ഉത്തരകൊറിയന്‍ അതിര്‍ത്തിയിലെ പ്രചാരണ ഉച്ചഭാഷിണികള്‍ ചൊവ്വാഴ്ച മുതല്‍ നീക്കം ചെയ്തു തുടങ്ങുമെന്നു ദക്ഷിണകൊറിയ അറിയിച്ചു. പരസ്പര വിശ്വാസം വളര്‍ത്തുന്നതിനുള്ള ഏറ്റവും എളുപ്പ നടപടിയാണിതെന്നു പ്രതിരോധ മന്ത്രാലയ വക്താവ് ചോയി ഹ്യൂണ്‍സു പറഞ്ഞു. ഉത്തര കൊറിയന്‍ വിരുദ്ധ വാര്‍ത്തകളും വിമര്‍ശനങ്ങളും പോപ് സംഗീതവുമാണ് ഉച്ചഭാഷിണിയിലൂടെ പ്രക്ഷേപണം ചെയ്തിരുന്നത്. ഉത്തരകൊറിയന്‍ നേതാവ് കിം ജോംഗ് ഉന്നും ദക്ഷിണകൊറിയന്‍ പ്രസിഡന്‍റ് മൂണ്‍ ജേ ഇന്നും തമ്മിലുള്ള കൂടിക്കാഴ്ചയില്‍ കൊറിയകള്‍ തമ്മിലുള്ള ശത്രുത അവസാനിപ്പിക്കുന്നതിനു തീരുമാനിക്കുകയുണ്ടായിയിരുന്നു.
