ന്യൂഡല്‍ഹി: ലോക്സഭാ തെരഞ്ഞെടുപ്പ് കേരളത്തില്‍ ഏപ്രില്‍ 23 ന് നടക്കും. തെരഞ്ഞെടുപ്പിന്‍റെ മൂന്നാം ഘട്ടത്തിലാണ് കേരളത്തില്‍ തെരഞ്ഞെടുപ്പ്. കേരളത്തിലെ 20 സീറ്റുകളിലേക്കും ഒറ്റഘട്ടമായി തെരഞ്ഞെടുപ്പ് നടക്കും. ഡല്‍ഹിയില്‍ മുഖ്യതെരഞ്ഞെടുപ്പ് കമ്മീഷന്‍ സുനില്‍ അറോറ തീയതി പ്രഖ്യാപിച്ചത്.
മെയ് 23 ന് ആണ് ഫലം പ്രഖ്യാപിക്കുന്നത്. ഇതോടെ വിജയികളെ അറിയാന്‍ കേരളത്തിനു ഒരു മാസത്തോളം കാത്തിരിക്കേണ്ടിവരും. വിവിപാറ്റ് സംവിധാനത്തിലായിരിക്കും കേരളത്തിലും വോട്ടെടുപ്പ് നടക്കുക. തെരഞ്ഞെടുപ്പ് തീയതി പ്രഖ്യാപിച്ചതോടെ പെരുമാറ്റച്ചട്ടം നിലവില്‍വന്നു.
