ചെന്നൈ: രാജ്യത്ത് നിന്ന് കോണ്‍ഗ്രസിനെ തുടച്ചുനീക്കുകയാണ് ലക്ഷ്യമെന്നും കോണ്‍ഗ്രസില്‍ കുടുംബ ഭരണമാണ് നടക്കുന്നതെന്നും . രാജ്യമെങ്ങും കോണ്‍ഗ്രസ് നേതാക്കളും പ്രവര്‍ത്തകരും കൂട്ടത്തോടെയാണ് ബി.ജെ.പിയില്‍ ചേരുന്നതെന്നും കേന്ദ്ര ആഭ്യന്തരമന്ത്രി അമിത്ഷാ. നേരത്തെ ശിവകൊളുന്തു സ്പീക്കര്‍ സ്ഥാനം രാജിവെച്ച്‌ ലഫ്.ഗവര്‍ണര്‍ക്ക് കത്ത് നല്‍കി. ഇദ്ദേഹവും ബി.ജെ.പിയില്‍ ചേര്‍ന്നേക്കുമെന്നാണ് സൂചന.
കേന്ദ്ര സര്‍ക്കാര്‍ പദ്ധതികള്‍ നടപ്പാക്കാതെ അഴിമതി നടത്താനാണ് നാരായണ സാമി സര്‍ക്കാര്‍ ശ്രദ്ധ കേന്ദ്രീകരിച്ചത്. കോണ്‍ഗ്രസ് സര്‍ക്കാര്‍ അവരുടെ കൊള്ളരുതായ്മ കാരണമാണ് താഴെ വീണത്.ഞായറാഴ്ച കാരക്കാലില്‍ ബി.ജെ.പി പ്രചാരണ പൊതുയോഗത്തില്‍ സംസാരിക്കുകയായിരുന്നു അദ്ദേഹം. ചടങ്ങില്‍ എം.എല്‍.എ സ്ഥാനം രാജിവെച്ച ജോണ്‍കുമാര്‍, വെങ്കടേശന്‍, സ്പീക്കര്‍ ശിവകൊളുന്തുവിെന്‍റ സഹോദരന്‍ രാമലിംഗം എന്നിവര്‍ ബി.ജെ.പിയില്‍ ചേര്‍ന്നു.
