കോഴിക്കോട്: ലോക്സഭാ തിരഞ്ഞെടുപ്പില് കോഴിക്കോട് മണ്ഡലത്തില് നിന്നും മത്സരിക്കുന്ന യു.ഡി.എഫ് സ്ഥാനാര്ത്ഥി എം.കെ രാഘവനെതിരെ എല്.ഡി.എഫ് വീണ്ടും പരാതി. നാമനിര്ദ്ദേശ പത്രികയില് രാഘവന് പ്രസിഡന്റ് ആയിരുന്ന സൊസൈറ്റിയിലെ വിവരങ്ങള് മറച്ചുവച്ചെന്നാണ് ആരോപണം. അഗ്രിന്കോ സൊസൈറ്റിയുടെ റവന്യൂ റിക്കവറിയുടെ വിവരങ്ങളാണ് മറച്ചുവച്ചത്.
സൊസൈറ്റിയിലെ റവന്യു റിക്കവറിയുടെ വിവരങ്ങള് നാമനിര്ദ്ദേശ പത്രികയില് വ്യക്തമാക്കിയിട്ടില്ലെന്നാണ് എല്.ഡി.എഫ് ആരോപിക്കുന്നത്. 29 കോടി 22 ലക്ഷത്തി 32 ആയിരം രൂപ അഗ്രിന് കോയ്ക്ക് കടബാദ്ധ്യതയുണ്ട്. എല്.ഡി.എഫിനു വേണ്ടി മണ്ഡലം സെക്രട്ടറി അഡ്വ.പി.എ മുഹമ്മദ് റിയാസാണ് റിട്ടേണിംഗ് ഓഫീസര്ക്ക് പരാതി നല്കിയത്. നാമനിര്ദ്ദേശ പത്രിക റദ്ദ് ചെയ്ത് തിരഞ്ഞെടുപ്പില് മത്സരിക്കുന്നത് വിലക്കണമെന്നാണ് പരാതിയില് ആവശ്യപ്പെട്ടിരിക്കുന്നത്.
