കാശ്മീരില്‍ പ്രകോപനവമായി വീണ്ടും പാകിസ്ഥാന്. ബുധനാഴ്ച രാത്രി പാകിസ്ഥാന് സൈന്യം നടത്തിയ ഷെല്ലാക്രമണത്തില്‍ ബിഎസ്‌എഫ് ജവാന്‍ കൊല്ലപ്പെട്ടു. അര്‍ണിയ, ആര്‍എസ് പുര സെക്ടറുകളില്‍ പാക് സൈന്യം നടത്തിയ മോര്‍ട്ടാര്‍ ഷെല്‍ ആക്രമണത്തിലാണ് ജവാന്‍ കൊല്ലപ്പെട്ടത്. പാകിസ്ഥാന്റെ ആക്രമണത്തിന് ഇന്ത്യ ശക്തമായി തിരിച്ചടിക്കുന്നതായാണ് റിപ്പോര്‍ട്ട്. വെടിവയ്പും ഷെല്ലാക്രമണവും രാത്രിയിലും തുടരുകയാണ്. അന്താരാഷ്ട്ര അതിര്‍ത്തിയിലെ ജനങ്ങള്‍ ഭീതിമൂലം വീടുകളില്‍നിന്നു പുറത്തിറങ്ങുന്നില്ല. ലാന്‍സ് നായിക് യോഗേഷ് മുരളീധരന്‍റെ മരണത്തിനു പകരമായി ഇന്ത്യ കഴിഞ്ഞ ദിവസം പാകിസ്ഥാന് നേരെ ആക്രമണം നടത്തിയിരുന്നു. ആക്രമണത്തില്‍ ഏഴു പാക് സൈനികര്‍ കൊല്ലപ്പെട്ടിരുന്നു.
