കൊച്ചി: കുണ്ടന്നൂര് മേല്പ്പാലം ഇന്ന് തുറക്കും. സംസ്ഥാനത്തെ ഏറ്റവും തിരക്കേറിയ ജംഗ്ഷനുകളിലൊന്നായ എറണാകുളം ജില്ലയിലെ വൈറ്റിലയിലുള്പ്പെടെ അനുഭവപ്പെടുന്ന ഗതാഗതക്കുരുക്കിന് കുണ്ടന്നൂര് മേല്പ്പാലങ്ങള് തുറക്കുന്നതോടെ പരിഹാരമാകും. ഇരുപാലങ്ങളുടെയും പരിശോധകള് ഉള്പ്പെടെയുള്ള സുരക്ഷാനടപടികള് പൂര്ത്തിയാക്കിയാണ് പാലം ഗതാഗതത്തിനായി തുറന്നു നല്കുന്നത്.
രാവിലെ 9.30 ന് വൈറ്റില ജംഗ്ഷനിലും തുടര്ന്ന് 11ന് കുണ്ടന്നൂരിലും നടക്കുന്ന ചടങ്ങുകളില് മുഖ്യമന്ത്രി പിണറായി വിജയന് വീഡിയോ കോണ്ഫറന്സിലൂടെ ഉദ്ഘാടനം നിര്വഹിക്കും. മന്ത്രി ജി.സുധാകരന് അധ്യക്ഷത വഹിക്കും.