കൊളംബോ: ശ്രീലങ്കയ്ക്കെതിരായ ട്വന്‍റി 20 മത്സരത്തില്‍ ഇന്ത്യക്കു 171 റണ്‍സ് വിജയ ലക്ഷ്യം. തകര്‍ച്ചയൊടയായിരുന്നു ലങ്കയുടെ തുടക്കം. ഏഴു വിക്കറ്റ് നഷ്ടമായി എങ്കിലും ലങ്ക മികച്ച സ്കോര്‍ നേടിയാണ് ബാറ്റിംഗ് അവസാനിപ്പിച്ചത്. മുനവീര 29 പന്തില്‍നിന്ന് 53 റണ്‍സ് നേടി പുറത്തായി. പ്രിയഞ്ജന്‍ 40 പന്തില്‍ 40 റണ്‍സുമായി പുറത്താകാതെനിന്നു. എട്ടാം വിക്കറ്റില്‍ ഉദാനയ്ക്കൊപ്പം 36 റണ്‍സിന്‍റെ കൂട്ടുകെട്ടുണ്ടാക്കാന്‍ പ്രിയഞ്ജനു കഴിഞ്ഞു. മറ്റാര്‍ക്കും ലങ്കന്‍ നിരയില്‍ പിടിച്ചുനില്‍ക്കാന്‍ പോലും കഴിഞ്ഞില്ല. ഇന്ത്യക്കായി യുസ്വേന്ദ്ര ചാഹല്‍ മൂന്നു വിക്കറ്റ് നേടി. കുല്‍ദീപ് യാദവ് രണ്ടും ഭുവനേശ്വര്‍ കുമാര്‍, ജസ്പ്രീത് ബുംറ എന്നിവര്‍ ഓരോ വിക്കറ്റും നേടി.
