ന്യൂഡല്ഹി: രാജ്യത്ത് ഡ്രോണുകള് രജിസ്റ്റര് ചെയ്യാത്തവര്ക്കെതിരേ നിയമനടപടികള് സ്വീകരിക്കുമെന്നും വ്യോമ യാന മന്ത്രാലയം . ജനുവരി 31നകം രജിസ്റ്റര് ചെയ്യണമെന്നും പുതിയ രജിസ്ട്രേഷന് നിബന്ധന കര്ശന മാണെന്നും മുന്നറിയിപ്പ് നല്കിയിട്ടുണ്ട്. ദിവസങ്ങള്ക്ക് മുമ്ബ് യുഎസ് ഡ്രോണ് ആക്രമണത്തില് ഇറാനില് ജനറല് ഖാസിം സുലൈമാനി കൊല്ലപ്പെട്ടതിന് പിന്നാലെയാണ് രാജ്യത്തെ എല്ലാ ഡ്രോണുകള്ക്കും രജിസ്ട്രേഷന് നിര്ബന്ധമാക്കാൻ വ്യോമയാന മന്ത്രാലയത്തിന്റെ തീരുമാനമെന്ന് പിടിഐവാര്ത്താ ഏജന്സി റിപ്പോര്ട്ടു ചെയ്തു.
രജിസ്ട്രേഷന് നടപടി പൂര്ത്തിയാക്കിയാല് എല്ലാ ഡ്രോണുകള്ക്കും ഒരു അംഗീകൃത ഡ്രോണ് നമ്ബറും (DAN) അംഗീകൃതഉടമസ്ഥ നമ്ബറും (OAN) ലഭിക്കും. ഡ്രോണുകളുടെ അംഗീകാരം തെളിയിക്കുന്ന നമ്പറുകളാണിവ. ഇവരണ്ടും ഇല്ലാതെ ജനുവരി 31ന് ശേഷം ഏത് തരം ഡ്രോണുകള് ഉപ യോഗിക്കുന്നതും ശിക്ഷാര്ഹമായിരിക്കും.
ജനുവരി 14 മുതല് വ്യോമയാന വിഭാഗമായ ഡിജിസിഎയുടെ ഡിജിറ്റല് സ്കൈ എന്ന വെബ്സൈറ്റിലൂടെയാണ് ഓണ്ലൈന് രജിസ്ട്രേഷന് പൂര്ത്തിയാക്കേണ്ടത്.കഴിഞ്ഞ വര്ഷത്തെ കണക്കുകള് പ്രകാരം ഇന്ത്യയില് നിയമ വിരുദ്ധമായി 50000 മുതല് 60000 വരെ ഡ്രോണുകളുണ്ടെന്നാണ് സൂചന.