റിയോ ഡി ഷാനെറോ: ബ്രസീലിലെ പ്രസിദ്ധ ഫുട്ബോള് ക്ലബ്ബായ ഫ്ളെമിംഗോയുടെ പരിശീലന കേന്ദ്രത്തില് തീപിടിത്തത്തില് പത്തുപേര് മരിച്ചു. റിയോ ഡി ഷാനെറോയിലെ പരിശീലന കേന്ദ്രത്തില് കൗമാരക്കാരായ കുട്ടികളെ പാര്പ്പിച്ചിരുന്ന കെട്ടിടത്തിലാണ് തീ പടര്ന്നത്. അപകടത്തില് മൂന്നു പേര്ക്കു ഗുരുതരമായി പൊള്ളലേറ്റു. തീപിടിത്തത്തിന്റെ കാരണം അറിവായിട്ടില്ല. രണ്ടു മണിക്കൂറിനുശേഷമാണ് രക്ഷാ പ്രവര്ത്തകര്ക്ക് തീ നിയന്ത്രിക്കാനായത്. മരിച്ചവരില് ആറു കളിക്കാരും നാല് സ്റ്റാഫുകളും ഉള്പ്പെടുന്നതായാണു സൂചന.