പാനൂര്: സി.പി.എം പെരിങ്ങത്തൂര് ലോക്കല് സെക്രട്ടറി പി. മനോഹരനെയും ലോക്കല് കമ്മിറ്റിയംഗം കെ.പി. ഫൈസലിനെയും വെട്ടിക്കൊലപ്പെടുത്താന് ശ്രമിച്ച കേസില് രണ്ടു ആര്.എസ്.എസുകാരെ പൊലീസ് അറസ്റ്റ് ചെയ്തു. പാനൂര് കെ.സി മുക്കില് കല്ലുള്ള പറമ്ബത്ത് അശ്വിന് സുരേന്ദ്രന് (32), കുറ്റേരി കരോള്ളതില് റോഷിന് (29) എന്നിവരെയാണ് പാനൂര് സി.ഐ റിയാസ് ചാക്കേരിയുടെ നേതൃത്വത്തിലുള്ള പൊലീസ് അറസ്റ്റ് ചെയ്തത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു. കഴിഞ്ഞ മാര്ച്ച് മുപ്പതിനാണ് ബൈക്കില് സഞ്ചരിക്കുകയായിരുന്ന ഇരുവരെയും പൂക്കോം-പാനൂര് റോഡില് വെച്ച് തടഞ്ഞുവെച്ചശേഷം ആക്രമിച്ചത്.