തിരുവനന്തപുരം : വിശുദ്ധ ഹജ്ജ് നിർവഹിക്കാൻ അവസരം ലഭിക്കുന്നത് ജീവിതത്തെ സ്ഫുടം ചെയ്യാനുള്ള സുവർണാവസര മാണെന്ന് വിസ്ഡം ഇസ്ലാമിക് ഓർഗനൈസേഷൻ ജില്ലാ പ്രസിഡണ്ട് നസീർ വള്ളക്കടവ് അഭിപ്രായപ്പെട്ടു. ഏപ്രിൽ 23 ന് നന്ദാവനം പാണക്കാട് ഓഡിറ്റോറിയത്തിൽ വിസ്ഡം സംഘടിപ്പിച്ച ഹജജ് പഠന ക്യാമ്പ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം
അനേകായിരങ്ങൾ ഹജ്ജിന് അവസരം ലഭിക്കാതെ പ്രയാസപ്പെടുമ്പോഴും എല്ലാ സൗകര്യ ങ്ങളും വന്നുഭവിച്ച വിശ്വാസികൾ അവസര ങ്ങൾ ഉപയോഗപ്പെടുത്തണമെന്നും മനസും ശരീരവും അതിനായി ക്രമപ്പെടുത്തണമെന്നും അദ്ദേഹം ഓർമ്മിപ്പിച്ചു.ഹജ്ജ് തീർത്ഥാടന സമയത്തെ വിമാനക്കമ്പനികളുടെ സാമ്പത്തികക്കൊള്ളക്കെതിരെ നിയമ നിർമ്മാണം നടത്താൻ ക്യാമ്പ് അധികാരികളോട് ആവശ്യപ്പെട്ടു.
സർക്കാർ പൊതു മേഖലയിലെ വിമാനത്താവളങ്ങളിൽ നിന്ന് യാത്രക്ക് സൗജന്യ നിരക്ക് ഏർപ്പെടുത്തുന്നതിന് പകരം സ്വകാര്യ കമ്പനികളെയും കവച്ച് വെക്കുന്ന വിധം യാത്രാക്കൂലി വർധിപ്പിക്കുന്നത് അനീതിയാണെന്നും ദൈവ പ്രീതിക്കായി നടത്തേണ്ട ആരാധനകളിൽപെട്ട ഹജ്ജ് യാത്രയോടനുബന്ധിച്ച് നടക്കുന്ന അനാചാരങ്ങളിൽ നിന്ന് സമൂഹം വിട്ട് നിൽക്കണ മെന്നും യാത്രയപ്പ് സംഗമങ്ങൾ വലിയ ആർഭാടത്തോടെ നടത്തുന്നതിലൂടെ ഉദ്ദേശ്യ ശുദ്ധിക്ക് ഭംഗം വരുന്നതിനെതിരെ ജാഗ്രത പുലർത്തണമെന്നും പറഞ്ഞു .
പ്രമുഖ പണ്ഡിതനും,ധാരാളം ഹജ്ജ് യാത്രാ സംഘങ്ങൾക്ക് നേതൃത്വം നൽകുകയും ചെയ്ത വിസ്ഡം ഇസ്ലാമിക് ഓര്‍ഗനൈസേഷന്‍ സംസ്ഥാന എക്സിക്യൂട്ടീവ് അംഗം അബ്ദുൽ ലത്തീഫ് സുല്ലമി മാറഞ്ചേരി വീഡിയോ പ്രസൻ്റേഷനോട് കൂടി ഹജ്ജ് കർമ്മങ്ങൾ വിശദീകരിച്ച് സംസാരിച്ചു. മുഹമ്മദ് സാദിഖ് മദീനി, ഡോ. ടി ഉനൈസ് തുടങ്ങിയവർ വിവിധ വിഷയങ്ങളെ പ്രതിപാദിച്ച് സംസാരിച്ചു. ജില്ലാ സെക്രട്ടറി നസീർ മുള്ളിക്കാട് സ്വാഗതവും, ജില്ലാ വൈസ് പ്രസിഡന്റ് നസീർ വള്ളക്കടവ് അദ്ധ്യക്ഷതയും വഹിച്ചു. . ജില്ലാ ഭാരവാഹികളായ അബ്ദുള്ള കേശവദാസപുരം, ഷെഹീർ വലിയവിള, റഷീദ് മദനി, പ്രഫസർ അബ്ദുൽ റഷീദ്, മൂസ കരിച്ചാറ, മാഹീൻ കുട്ടി, സഫീർ കുളമൂട്ടം തുടങ്ങിയവർ വിവിധ സെഷനുകൾക്ക് നേതൃത്വം നൽകി.
