കല്പ്പറ്റ: കല്പ്പറ്റയില് പത്തു ലക്ഷത്തിന്റെ നിരോധിച്ച നോട്ടുകളുമായി അഞ്ചു പേര് പിടിയില്. റിയാസ്, നൗഫല്, അസ്ലം, മുജീബ്, നവാസ് എന്നിവരാണ് പിടിയിലായത്. 10,06,000 രൂപയുടെ നോട്ടുകളാണ് ഇവരില്നിന്നു കണ്ടെത്തിയത്. കൊച്ചിയില് നിന്ന് വയനാട്ടിലേക്ക് വാഹനത്തില് കടത്താന് ശ്രമിക്കുമ്ബോഴാണ് നോട്ടുകള് പിടികൂടിയത്. രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. പത്തു ലക്ഷം രൂപയുടെ പഴയനോട്ടുകള്ക്കു പകരം ഇരുപതു ലക്ഷത്തിന്റെ പുതിയ നോട്ടുകള് നല്കാമെന്ന് പടിഞ്ഞാറത്തറ സ്വദേശികള് വാഗ്ദാനം ചെയ്തതിനെ തുടര്ന്നാണ് പണവുമായി എത്തിയതെന്ന് പിടിയിലായവര് വ്യക്തമാക്കി.