ലക്നോ: ഝാൻസിയിൽ കന്യാസ്ത്രീകൾക്കും സന്യാസാർഥിനികൾക്കും നേരെയുണ്ടായ അധിക്ഷേപ സംഭവത്തിൽ അഞ്ചല് അര്ചാരിയാ, പുര്ഗേഷ് അമരിയാ എന്നിവരെയാണ് യുപി പോലീസ് അറസ്റ്റ് ചെയ്തത്.
ട്രെയിനില്വെച്ചാണ് മലയാളികളുള്പ്പെടെയുള്ള കന്യാസ്ത്രീകള് അധിഷേപത്തിനിരയായത്.
മാർച്ച് 19നു ഡൽഹിയിൽ നിന്നു ഒഡീഷയിലേക്കു പോയ ഉത്കൽ എക്സ്പ്രസിൽ യാത്ര ചെയ്ത രണ്ടു കന്യാസ്ത്രീകൾക്കും രണ്ടു സന്യാസാർഥിനികൾക്കും എതിരേയാണ് ഭീഷണിയും അധിക്ഷേപവുമുണ്ടായത്. എബിവിപി ബജ് രംഗ്ദൾ പ്രവർത്തരുടെ ഒരു സംഘം കന്യാസ്ത്രീകൾക്കു നേരെ അധിക്ഷേപമുന്നയിക്കുകയായിരുന്നു.
മതിയായ യാത്രാരേഖകളും തിരിച്ചറിയൽ കാർഡും കാണിച്ചിട്ടും അതിക്രമിച്ചു കയറിയവരെ പിന്തുണച്ച റെയിൽവെ ഉദ്യോഗസ്ഥരും പോലീസും യാത്രക്കാരെ ട്രെയിനിൽ നിന്നി റക്കി പോലീസ് സ്റ്റേഷനിൽ രാത്രി പത്തുവരെ തടഞ്ഞുവച്ചു. സംഭവത്തില് മുഖ്യമന്ത്രി പിണറായി വിജയനുള്പ്പെടെയുള്ള പ്രമുഖര് പ്രതികരിച്ചിരുന്നു.
സംഭവത്തില് ബാക്കിയുള്ള പ്രതികളെ കണ്ടെത്താന് നടപടി തുടരുകയാണെന്ന് യുപി പോലീസ് അറിയിച്ചു.