തിരുവനന്തപുരം: സര്ക്കാര് പരസ്യങ്ങള് നീക്കണമെന്ന് മുഖ്യതെരഞ്ഞെടുപ്പ് ഓഫീസര് ടിക്കാറാം മീണ. ബസുകളിലും സര്ക്കാര് വെബ് സൈറ്റുകളിലുമുള്ള പരസ്യങ്ങള് നീക്കണമെന്ന് അദ്ദേഹം ഉത്തരവിട്ടു. കെഎസ്ആര്ടിസി ബസുകളിലെ പരസ്യങ്ങള് 24 മണിക്കൂറിനുള്ളില് നീക്കണമെന്നാണ് ഉത്തരവ്. ട്രാന്സ്പോര്ട്ട് കമ്മീഷണര്ക്കും സെക്രട്ടറിക്കും ഇതുസംബന്ധിച്ച നിര്ദേശം അദ്ദേഹം നല്കി.
തെരഞ്ഞെടുപ്പ് പെരുമാറ്റച്ചട്ടം അനുസരിച്ചാണ് നടപടി. സര്ക്കാരിന്റെ ആയിരം ദിവസത്തെ നേട്ടങ്ങള് വിവരിക്കുന്ന പരസ്യങ്ങളാണിത്. ഫ്ളെക്സ് ബോര്ഡുകളും നീക്കാന് നിര്ദേശിച്ചിട്ടുണ്ട്. തുണിയിലും കടലാസിലുമുള്ള പ്രചാരണ സാമഗ്രികളെ ഉപയോഗിക്കാവുവെന്നും മുഖ്യതെരഞ്ഞെടുപ്പ് ഓഫീസര് പറഞ്ഞു.