കൊച്ചി: വ്രതാനുഷ്ഠാനങ്ങളും ആചാരങ്ങളും ലംഘിച്ച് ശബരിമലയില് യുവതികള്ക്ക് ദര്ശനം നടത്താന് അവസരം നല്കിയെന്നാരോപിച്ച് മുഖ്യമന്ത്രി പിണറായി വിജയനെതിരെ ഹര്ജി. മുഖ്യമന്ത്രിയെ കൂടാതെ സംസ്ഥാന പൊലീസ് മേധാവി ഡി.ജി.പി ലോക്നാഥ് ബെഹ്റ, കോട്ടയം എസ്.പി ഹരിശങ്കര് എന്നിവര്ക്കെതിരെയും ഹര്ജി നല്കിയിട്ടുണ്ട്. രാജ്യാന്തര ഹിന്ദു പരിഷത്ത് ദേശീയ സെക്രട്ടറി ആര്. പ്രതീഷ്, ജനപ്രതിനിധികള്ക്കെതിരായ കേസുകള് പരിഗണിക്കുന്ന എറണാകുളത്തെ മജിസ്ട്രേട്ട് കോടതിയിലാണ് ഹര്ജി സമര്പ്പിച്ചിരിക്കുന്നത്.
ജനുവരി രണ്ടിന് കോഴിക്കോട്, മലപ്പുറം സ്വദേശികളായ യുവതികള് ദര്ശനം നടത്തിയത് വ്രതാനുഷ്ഠാനങ്ങള് തെറ്റിച്ചാണെന്നും ഇവര്ക്ക് ദര്ശനമൊരുക്കാന് ഗൂഢാലോചന നടത്തിയെന്നുമാണ് ഹര്ജിയില് പറഞ്ഞിരിക്കുന്നത്. മതവികാരങ്ങളെ അപമാനിക്കാനാണ് എതിര്കക്ഷികള് ശ്രമിക്കുന്നതെന്ന് ഹര്ജിക്കാരന് കുറ്റപ്പെടുത്തി.