കൊളംബോ: ശ്രീലങ്കന് ടെസ്റ്റ് ക്രിക്കറ്റ് ക്യാപ്റ്റന് ദിമുത് കരുണരത്നെ മദ്യപിച്ച് വാഹനം ഓടിച്ചതിന് അറസ്റ്റില്. ഞായറാഴ്ച രാവിലെ കൊളംബോയിലാണ് താരം അറസ്റ്റിലായത്. കരുണരത്നെയുടെ വാഹനം ഓട്ടോറിക്ഷയെ ഇടിക്കുകയും ഓട്ടോ ഡ്രൈവര്ക്ക് പരിക്കേല്ക്കുകയും ചെയ്തിരുന്നു. ഇതിനെ തുടര്ന്ന് നടത്തിയ പരിശോധനയിലാണ് താരം മദ്യപിച്ചതായി കണ്ടെത്തിയത്.
കേസില് കരുണരത്നയ്ക്കു ജാമ്യം ലഭിച്ചു. താരത്തെ തിങ്കളാഴ്ച കോടതിയില് ഹാജരാക്കുമെന്നും പോലീസ് വക്താവ് റുവാന് ഗുണശേഖര പറഞ്ഞു. സംഭവത്തെക്കുറിച്ച് കരുണരത്നെ പ്രതികരിച്ചിട്ടില്ല. എന്നാല് ശ്രീലങ്കന് ക്രിക്കറ്റ് അധികൃതര് അപകടം സ്ഥിരീകരിച്ചിട്ടുണ്ട്. സംഭവത്തില് താരത്തിനെതിരെ നടപടിയെടുക്കുമെന്നും പത്രക്കുറിപ്പില് ക്രിക്കറ്റ് ബോര്ഡ് അറിയിച്ചു.