ഡല്‍ഹി: ഓക്സിജന്‍ ലഭിക്കാത്തതിനെ തുടര്‍ന്ന് ഡല്‍ഹിയില്‍ ന്യുമോണിയ ബാധിച്ച്‌ ചികിത്സയിലായിരുന്ന മലയാളി മരിച്ചു. മഞ്ഞപ്ര പാതിരിക്കളം എം. രാംദാസാണ് (65) മരിച്ചത്. ന്യുമോണിയ ബാധിച്ച്‌ നാലു ദിവസമായി ഇദ്ദേഹം ചികിത്സയിലായിരുന്നു.
ഞായറാഴ്ച രാവിലെ 11നാണ് മരണം സംഭവിച്ചത്. കോവിഡ് രോഗികളുടെ വര്‍ധന ചികിത്സ പ്രതിസന്ധിക്കൊപ്പം ഓക്സിജന്‍ ക്ഷാമം കൂടി സൃഷ്ട്ടിച്ചതോടെ മരണം സംഭവിക്കുകയായിരുന്നെന്ന് ബന്ധുവായ എം.കെ. സുരേന്ദ്രന്‍ പറഞ്ഞു.
തൊഴിലുമായി ബന്ധപ്പെട്ട് ഏറെ വര്‍ഷങ്ങളായി കുടുംബത്തോടൊപ്പം ഡല്‍ഹിയിലാണ് രാംദാസ് താമസിച്ചിരുന്നത്. ഭാര്യ: ജയശ്രീ. മക്കള്‍: ദിവ്യ (കാനഡ), നിവ്യ. മരുമക്കള്‍: റിനിത്, അമിത്. സഹോദരങ്ങള്‍: സുദേവന്‍, ശിവദാസന്‍, സരോജിനി, ദേവകി, കരുണാവതി, കാഞ്ചന, വസുമതി.
സംസ്കാരം ന്യൂഡല്‍ഹിയില്‍ നടക്കും.
