തിരുവനന്തപുരം: എന്‍എസ്‌എസ് വട്ടിയൂര്‍കാവില്‍ വ്യാപകമായി ജാതി പറഞ്ഞ് വോട്ട് തേടുന്നുണ്ടെന്നും ഇതുമായി ബന്ധപ്പെട്ട് തെരഞ്ഞെടുപ്പ് കമ്മീഷന്‍ നേരത്തെ നടത്തിയ നിരീക്ഷണം ശരിയാണെന്നും ഇക്കാര്യത്തില്‍ മുഖ്യതെരഞ്ഞെടുപ്പ് ഓഫീസര്‍ ടിക്കാറാം മീണയ്ക്ക് പരാതി നല്‍കുമെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. എന്‍എസ്‌എസ് ജാതി പറഞ്ഞ് വോട്ടു തേടുന്നുവെന്ന കാര്യം കഴിഞ്ഞ ദിവസം മാധ്യമങ്ങള്‍ ചൂണ്ടിക്കാട്ടിയപ്പോള്‍ അത്തരം കാര്യങ്ങള്‍ ശ്രദ്ധയില്‍പ്പെട്ടാല്‍ നടപടി സ്വീകരിക്കുമെന്നും ടിക്കാറാം മീണ പറഞ്ഞിരുന്നു.
