ലക്നോ: ക്ഷേത്രത്തിന് സമീപത്ത് മാംസം കഴിച്ചുവെന്നാരോപിച്ച്‌ യുവാവിനെ തല്ലി കൊന്നു. ഉത്തര്‍പ്രദേശിലെ ഗാസിയാബാദിലാണ് വീണ്ടും ക്രൂരത .മീററ്റ് സ്വദേശിയും ക്ഷേത്രത്തിലെ ശുചീകരണ തൊഴിലാളിയുമായ പ്രവീണ്‍ സെയ്നി(22) എന്ന യുവാവാണ് കൊല്ലപ്പെട്ടത്.
പ്രവീണും സുഹൃത്തുകളും ക്ഷേത്രത്തിനുസമീപമിരുന്ന് ഭക്ഷണം കഴിക്കുകയായിരുന്നു. ഈ സമയം സ്ഥലത്തെത്തിയ ആക്രമികള്‍ ഇത് ചോദ്യം ചെയ്ത് ഇരുമ്ബ് ദണ്ഡുകളും വടികളും ഉപയോഗിച്ച്‌ ഇവരെ മര്‍ദിക്കുകയായിരുന്നു. അക്രമികള്‍ മദ്യപിച്ചിരുന്നു . പോലീസ് വിശദമാക്കി .സംഭവത്തില്‍ മൂന്ന് പേരെ അറസ്റ്റ് ചെയ്തതായി പോലീസ് അറിയിച്ചു. റൊട്ടിയും സോയാബീനും കഴിച്ചു കൊണ്ടിരുന്ന യുവാവിനെയാണ് മൂവര്‍ സംഘം മര്‍ദ്ദിച്ച്‌ കൊലപ്പെടുത്തിയതെന്ന് പോലീസ് വ്യക്തമാക്കി .
