കൊച്ചി: വേതനം വർദ്ധിപ്പിക്കണമെന്ന് ആവശ്യപ്പെട്ട് പാചകവാതക വിതരണത്തൊഴിലാളികൾ ഇന്ന് അർധരാത്രി മുതൽ പ്രഖ്യാപിച്ച പണിമുടക്ക് പിൻവലിച്ചു. എൽപിജി ട്രക് തൊഴിലാളികളാണ് സമരം പ്രഖ്യാപിച്ചിരുന്നത്. അഡീഷണൽ ലേബർ കമ്മീഷണറുമായി വീണ്ടും നടത്തിയ ചർച്ചയിലാണ് സമരം പിൻവലിക്കാനുള്ള തീരുമാനം ഉണ്ടായത്. തൊഴിലാളികളുടെ ആവശ്യങ്ങൾ പരിഗണിക്കാമെന്ന ഉറപ്പ് ലേബർ കമ്മീഷണർ നല്കി. 1500 ൽ പരം ഡ്രൈവർമാരാണ് നേരത്തേ പണി മുടക്കാൻ തീരുമാനിച്ചത്. ഇത് വലിയതോതിലുള്ള പ്രതിസന്ധി സംസ്ഥാനത്ത് ഉണ്ടാക്കുമെന്നും വിലയിരുത്തപ്പെട്ടിരുന്നു.
