റാഞ്ചി : കാലിത്തീറ്റ കുംഭകോണവുമായി ബന്ധപ്പെട്ട നാലാം കേസിലും ബിഹാര് മുന് മുഖ്യമന്ത്രിയും ആര്ജെഡി നേതാവുമായ ലാലു പ്രസാദ് യാദവ് കുറ്റക്കാരനാണെന്ന് കോടതി വിധിച്ചു. കേസില് ശിക്ഷ പിന്നിട് പ്രഖ്യാപിക്കും. നാലാമത്തെ കേസില് റാഞ്ചിയിലെ സിബിഐ പ്രത്യേക കോടതിയാണു വിധി പറഞ്ഞത്. ദുംക ട്രഷറിയില്നിന്ന് 3.13 കോടി രൂപ പിന്വലിച്ചതുമായി ബന്ധപ്പെട്ട കേസാണിത്. ബിഹാര് മുന് മുഖ്യമന്ത്രിയായിരുന്ന ജഗന്നാഥ് മിശ്രയെ കേസില് വെറുതെ വിട്ടു.