തിരുവനന്തപുരം: ശബരിമല യുവതീപ്രവേശനവുമായി ബന്ധപ്പെട്ട് ഹൈക്കോടതിയില് നല്കിയ ഹര്ജികള് സുപ്രീംകോടതിയിലേക്ക് മാറ്റണമെന്ന ഹര്ജി സുപ്രീംകോടതി തള്ളിയത് സര്ക്കാറിന് തിരിച്ചടിയല്ലെന്ന് ദേവസ്വം മന്ത്രി കടകംപള്ളി സുരേന്ദ്രന്. ശബരിമലയില് മുന്പുണ്ടായിരുന്ന സാഹചര്യമല്ല ഇപ്പോഴുള്ളത്. സുപ്രീംകോടതി ഉത്തരവ് സര്ക്കാര് സ്വീകരിക്കുന്നുവെന്നും കടകംപള്ളി പറഞ്ഞു.
നേരത്തെ ശബരിമല കേസില് സംസ്ഥാനസര്ക്കാരിന് തിരിച്ചടി നേരിട്ടിരുന്നു. ശബരിമല യുവതീപ്രവേശനവുമായി ബന്ധപ്പെട്ട് ഹൈക്കോടതിയില് നല്കിയ ഹര്ജികള് സുപ്രീംകോടതിയിലേക്ക് മാറ്റണമെന്ന ഹര്ജി സുപ്രീംകോടതി തള്ളുകയായിരുന്നു. ഇതോടൊപ്പം ഹൈക്കോടതി മൂന്നംഗ നിരീക്ഷണസമിതിയെ നിയോഗിച്ച നടപടി പുനഃപരിശോധിക്കണമെന്ന ആവശ്യവും സുപ്രീംകോടതി പരിഗണിച്ചില്ല.
ഇക്കാര്യങ്ങളുന്നയിച്ച് നല്കിയ രണ്ട് ഹര്ജികളും സുപ്രീംകോടതി തള്ളി. ഹൈക്കോടതിയുടെ അധികാരങ്ങളില് ഇടപെടില്ലെന്നും ഇക്കാര്യത്തില് അന്തിമതീരുമാനം ഹൈക്കോടതിയുടേത് തന്നെയാകുമെന്നും സുപ്രീംകോടതി വ്യക്തമാക്കുകയായിരുന്നു.