മട്ടന്നൂര്: എടയന്നൂരില് യൂത്ത് കോണ്ഗ്രസ് നേതാവ് വെട്ടേറ്റു മരിച്ചു. സംഭവത്തില് പ്രതിഷേധിച്ച് കണ്ണൂര് ജില്ലയില് ഇന്ന് യുഡിഎഫ് ഹര്ത്താലിന് ആഹ്വാനം നല്കി. യൂത്ത് കോണ്ഗ്രസ് മട്ടന്നൂര് ബ്ലോക്ക് സെക്രട്ടറിയായ എടയന്നൂരിലെ എസ്.പി. ശുഹൈബാ (29)ണ് മരിച്ചത്. തിങ്കളാഴ്ച രാത്രി 10.45 ഓടെയാണ് സംഭവം. രാവിലെ ആറു മുതല് വൈകുന്നേരം ആറു വരെയാണ് ഹര്ത്താല്. തെരൂരിലെ ഹോട്ടലില് നിന്നും ഭക്ഷണം കഴിച്ചിറങ്ങുന്നതിനിടെയായിരുന്നു അക്രമം. ശുഹൈബിന് നേരേ ബോംബെറിഞ്ഞ ശേഷം വെട്ടുകയായിരുന്നു.