ന്യൂഡല്‍ഹി: അമൃത്സര്‍, വാരണാസി, ഭുവനേശ്വര്‍, ഇന്‍ഡോര്‍, റായ്പുര്‍, തിരുച്ചിറപ്പള്ളി തുടങ്ങി രാജ്യത്തെ ആറ് വിമാനത്താവളങ്ങള്‍ കൂടി സ്വകാര്യവത്കരിക്കാന്‍ എയര്‍പോര്‍ട്ട് അതോറിറ്റി ഓഫ് ഇന്ത്യ കേന്ദ്ര സര്‍ക്കാരിന് ശിപാര്‍ശ നല്‍കിയതായി റിപ്പോര്‍ട്ട്.
സെപ്റ്റംബര്‍ അഞ്ചിനു ചേര്‍ന്ന ബോര്‍ഡ് മീറ്റിംഗിന്‍റേതാണ് തീരുമാനം. ആദ്യഘട്ടത്തില്‍ തിരുവനന്തപുരം, അഹമ്മദാബാദ്, ജയ്‌പൂര്‍, ലക്‌നോ, ഗുവാഹത്തി, മംഗളൂരു വിമാനത്താവളങ്ങള്‍ പൊതു-സ്വകാര്യ പങ്കാളിത്തത്തിലാക്കാന്‍ തീരുമാനിച്ചിരുന്നു. ഈ ആറു വിമാനത്താവളങ്ങളുടെയും കരാര്‍ നേടിയത് അദാനി എന്‍റര്‍പ്രൈസസ് കമ്പനി ആണ്.
