ന്യൂഡൽഹി: ജനതാദൾ എസ് ജനറൽ സെക്രട്ടറി ഡാനിഷ് അലി പാർട്ടി അംഗത്വം രാജിവച്ച് ബിഎസ്പിയിൽ ചേർന്നു . ബി എസ്പി അഖിലേന്ത്യ ജനറൽ സെക്രട്ടറി സതീഷ് മിശ്ര അലിയെ പൂച്ചണ്ട് നൽകിയാണ് പാർട്ടിയിലേക്ക് സ്വീകരിച്ചത്. കരുത്തുറ്റ നേതൃത്വമാണ് ബി എസ്പി എന്നും അതിനാലാണ് താൻ ബിഎസ്പിയിൽ ചേർന്നതെന്നും അദ്ദേഹം വ്യക്തമാക്കി .
ഒപ്പം ജനതാദളിന്റെ യുപി ഘടകം അത്ര ശക്തമല്ലെന്നു വിമർശിക്കുകയും ചെയ്തു. ജെഡിഎസ് തലവന്റെ അനുഗ്രഹം തേടിയ ശേഷമാണ് ബിഎസ്പിക്കൊപ്പം ചേർന്നതെന്നും മായാവതി എപ്പോഴാണോ തന്നെ ചുമതലകൾ ഏൽപിക്കുന്നത് ആ നിമിഷം മുതൽ ബിഎസ്പിക്കായുള്ള തന്റെ പ്രചാരണങ്ങൾ ആരംഭിക്കുമെന്നും അലി വ്യക്തമാക്കി.