സി.ബി.എസ്.ഇ.യുടെ 10, 12 ക്ലാസ് പരീക്ഷകള്‍ മാറ്റിവച്ചു

136

തിരുവനന്തപുരം : വ്യാഴാഴ്ചമുതല്‍ 31 വരെ നടക്കേണ്ട പരീക്ഷകൾ കൊറോണ വൈറസ് വ്യാപനത്തിന്റെ പശ്ചാത്തലത്തില്‍ മാറ്റി സി.ബി.എസ്.ഇ.യുടെ 10, 12 ക്ലാസ് പരീക്ഷകളാണ് മാറ്റിയത് . എല്ലാ പരീക്ഷകളും മാറ്റണമെന്നാണ് മാനവ ശേഷി വിഭവമന്ത്രാലയം ഉത്തരവിട്ടത് . അതിന്റെ അടിസ്ഥാനത്തിലാണ് പരീക്ഷകള്‍ അടിയന്തരമായി മാറ്റാന്‍ ബുധനാഴ്ച രാത്രി തീരുമാനിച്ചത്.

വടക്കുകിഴക്കന്‍ ഡല്‍ഹിയിലെ വിദ്യാര്‍ഥികളുടെ പുനഃപരീക്ഷയും മാറ്റിയിട്ടുണ്ട്. ഉത്തരക്കടലാസ് പരിശോധനയും 31-വരെ നിര്‍ത്തിവെച്ചു. ഇത് ഏപ്രില്‍ ഒന്നുമുതല്‍ വീണ്ടും തുടങ്ങും.

യു.ജി.സി., എ.ഐ.സി.ടി.ഇ., നാഷണല്‍ ഇന്‍സ്റ്റിറ്റ്യൂട്ട് ഓഫ് ഓപ്പണ്‍ സ്‌കൂളിങ്, ജെ.ഇ.ഇ. മെയിന്‍ പരീക്ഷകളും മാറ്റിയിട്ടുണ്ട്. ജെ.ഇ.ഇ.യുടെയും മറ്റു മത്സരപ്പരീക്ഷകളുടെയും പുതിയ തീയതി സി.ബി.എസ്.ഇ. പരീക്ഷകള്‍ ക്കനുസരിച്ചു പുനഃക്രമീകരിക്കുമെന്ന് നാഷണല്‍ ടെസ്റ്റിങ് ഏജന്‍സി അറിയിച്ചു. മാറ്റിവച്ച പരീക്ഷകൾ എന്നുനടക്കുമെന്ന് 31-നുശേഷം അറിയിക്കും.

NO COMMENTS