കൊച്ചി: നെടുങ്കണ്ടത്തെ രാജ്കുമാറിന്‍റെ കസ്റ്റഡി മരണത്തില്‍ സിബിഐ അന്വേഷണം വേണമെന്ന് പി.ടി.തോമസ് എംഎല്‍എ. പോലീസിനും ആശുപത്രി അധികൃതര്‍ക്കും മജിസ്ട്രേറ്റിനും വീഴ്ചകള്‍ സംഭവിച്ചതായി സംശയിക്കുന്നു. ഇടുക്കി മുന്‍ എസ്പി കെ.ബി.വേണുഗോപാലിന് എതിരെ നടപടി വേണമെന്നും പി.ടി.തോമസ് പറഞ്ഞു.
പോലീസ് അതിക്രമത്തില്‍ ജുഡീഷ്യല്‍ അന്വേഷണം വേണമെന്ന ആവശ്യം പ്രതിപക്ഷം നിയമസഭയില്‍ ഉയര്‍ത്തിരുന്നു. പിന്നീടാണ് വിവിധ സര്‍ക്കാര്‍ വകുപ്പുകളുടെ പങ്ക് വ്യക്തമായത്. അതിനാല്‍ ജുഡീഷ്യല്‍ അന്വേഷണം മതിയാകില്ലെന്ന് എംഎല്‍എ പറഞ്ഞു.
