തിരുവനന്തപുരം: ലോക്ക്ഡൗണ് നിയന്ത്രണങ്ങളില് ഇളവ് വരുന്നതോടെ പോലീസ് എല്ലാ വാഹനങ്ങളും പരിശോധിക്കില്ലെന്ന് ഡിജിപി ലോക്നാഥ് ബെഹ്റ. ജനങ്ങളെ പോലീസ് വിശ്വസിക്കുന്നുവെന്നും അദ്ദേഹം പറഞ്ഞു.ലോക്ഡൗണ് ഇളവിലും ജില്ല വിട്ടുള്ള യാത്രകള് അനുവദിക്കില്ല. മെഡിക്കല് സേവനങ്ങള്ക്കും ചികിത്സയ്ക്കും ഭക്ഷ്യവസ്തുക്കള് എത്തിക്കുന്നതിനും അന്തര് സംസ്ഥാന യാത്രകളും ജില്ലയ്ക്കു പുറത്തേയ്ക്കുള്ള യാത്രയും അനുവദിക്കും.
ഇതിനു സത്യവാങ്മൂലം കൈയില് കരുതണമെന്നും അദ്ദേഹം പറഞ്ഞു.അനാവശ്യമായി യാത്ര ചെയ്താല് കേസെടുക്കും.
പിടിച്ചെടുക്കുന്ന വാഹനങ്ങള്ക്ക് ഹൈക്കോടതി നിര്ദേശപ്രകാരമുള്ള പിഴ ഈടാക്കും. സ്വകാര്യ സ്ഥാപനങ്ങളില് ജോലി ചെയ്യുന്നവര് ഐഡി കാര്ഡ് കരുതണമെന്നും അദ്ദേഹം പറഞ്ഞു.ഒറ്റ, ഇരട്ട വാഹന നിയന്ത്രണം വരുന്നതോടെ 40 ശതമാനം വാഹനങ്ങള് കുറയുമെന്നും ഡിജിപി കൂട്ടിച്ചേര്ത്തു.