കണ്ണൂര് : പരിയാരത്ത് കെഎസ്ആര്ടിസി ബസും ലോറിയും കൂട്ടിയിടിച്ച് 18 പേര്ക്ക് പരിക്കേറ്റു.പുലര്ച്ചെ 6.15ന് പരിയാരം കെകെഎന് ഗവ.ഹയര് സെക്കന്ഡറി സ്കൂളിന് മുന്നിലായിരുന്നു അപകടം. ലോറി ഡ്രൈവറുടെ നില അതീവ ഗുരുതരമാണ്. കണ്ണൂരില് നിന്നും പയ്യന്നൂരിലേക്ക് പോകുകയായിരുന്ന കെഎസ്ആര്ടിസിയും തളിപ്പറമ്ബ് ഭാഗത്തേക്ക് വന്ന ലോറിയുമാണ് കൂട്ടിയിടിച്ചത്. അരമണിക്കൂറിലധികം ലോറിയുടെ കാബിനില് കുടുങ്ങിക്കിടന്ന ഡ്രൈവറെ തളിപ്പറമ്ബില് നിന്നെത്തിയ അഗ്നിശമനസേന ലോറി പൊളിച്ചാണ് പുറത്തെടുത്തത്. ഇരുകാലുകള്ക്കും മാരകമായി പരിക്കേറ്റ തേനി കണ്ണൈപുരത്തെ ഈശ്വരനെ(30) യും പരിക്കേറ്റ മറ്റുള്ളവരേയും പരിയാരം മെഡിക്കല് കോളജില് പ്രവേശിപ്പിച്ചു. ലോറി ഡ്രൈവര് ഒഴികെ മറ്റുള്ളവരുടെ പരിക്ക് ഗുരുതരമല്ല. അപകടത്തെ തുടര്ന്ന് ഒരു മണിക്കൂറിലേറെ നേരം ദേശീയപാതയില് വാഹന ഗതാഗതം മുടങ്ങി.