തിരുവനന്തപുരം: ബ്രുവറി-ഡിസ്റ്റിലറി അനുമതി റദ്ദാക്കിക്കൊണ്ടുള്ള സര്‍ക്കാര്‍ ഉത്തരവ് പുറത്തിറക്കി. നവകേരള നിര്‍മിതിയുമായി സര്‍ക്കാര്‍ മുന്നോട്ട് പോകവെ വിവാദങ്ങള്‍ ഒഴിവാക്കാനാണ് അനുമതി റദ്ദാക്കുന്നതെന്ന വാദമുയര്‍ത്തിയാണ് മുഖ്യമന്ത്രി അനുമതി റദ്ദാക്കിയത്. ചട്ടങ്ങളും നിയമങ്ങളും പരിശോധിച്ചാണ് ബ്രുവറിക്ക് അനുമതി നല്‍കിയതെന്നാണ് ഉത്തരവില്‍ വ്യക്തമാക്കുന്നത്. ബ്രുവറി അനുമതിക്ക് മാനദണ്ഡം നിശ്ചയിക്കാന്‍ പുതിയ സമിതിയെ നിശ്ചയിച്ചതായും ഈ മാസം 31-നകം റിപ്പോര്‍ട്ട് സമര്‍പ്പിക്കാന്‍ സമിതിക്ക് നിര്‍ദേശം നല്‍കിയിട്ടുണ്ടെന്നും ഉത്തരവില്‍ വ്യക്തമാക്കിയിട്ടുണ്ട്.
