സെഞ്ചൂറിയന്‍ ഏകദിനം : ദക്ഷിണാഫ്രിക്കയ്ക്കെതിരെ ഇന്ത്യയ്ക്ക് ഒമ്പത് വിക്കറ്റ് ജയം

445

സെഞ്ചൂറിയന്‍ : ദക്ഷിണാഫ്രിക്കയ്ക്കെതിരെ സെഞ്ചൂറിയണിലും ഇന്ത്യന്‍ വിജയം. സ്പിന്നര്‍മാര്‍ ആധിപത്യം പുലര്‍ത്തിയ മത്സരത്തില്‍ ഇന്ത്യ ആദ്യം ബാറ്റ് ചെയ്ത ദക്ഷിണാഫ്രിക്കയെ 118 റണ്‍സിനു പുറത്താക്കിയിരുന്നു. യൂസുവേന്ദ്ര ചഹാല്‍ അഞ്ച് വിക്കറ്റും കുല്‍ദീപ് യാദവ് 3 വിക്കറ്റും വീഴ്ത്തിയാണ് ദക്ഷിണാഫ്രിക്കയെ 32.2 ഓവറില്‍ പുറത്താക്കിയത്. മറുപടി ബാറ്റിംഗിനിറങ്ങിയ ഇന്ത്യയ്ക്ക് രോഹിത്തിനെ(15) നഷ്ടമായെങ്കിലും ശിഖര്‍ ധവാനും വിരാട് കോഹ്‍ലിയും ചേര്‍ന്ന് ഇന്ത്യയെ 9 വിക്കറ്റ് വിജയത്തിലേക്ക് നയിച്ചു. ശിഖര്‍ ധവാന്‍ 51 റണ്‍സുമായി പുറത്താകാതെ നിന്നപ്പോള്‍ വിരാട് കോഹ്‍ലി പുറത്താകാതെ 46 റണ്‍സ് നേടി ധവാന് മികച്ച പിന്തുണ നല്‍കി. 20.3 ഓവറിലാണ് ഇന്ത്യ വിജയം ഉറപ്പിച്ച്‌ പരമ്ബരയില്‍ 2-0 നു മുന്നിലെത്തിയത്. കാഗിസോ റബാഡയ്ക്കാണ് രോഹിത്തിന്റെ വിക്കറ്റ് ലഭിച്ചത്.

NO COMMENTS