മെക്സിക്കോ സിറ്റി: വടക്കന് മെക്സിക്കോയിലെ സ്കൂളില് സഹപാഠികള്ക്ക് നേരെ വെടിയുതിര്ത്ത് 11 വയസുകാരന്. ടോണിയോണ് നഗരത്തിലെ കോളെജിയോ സെര്വാന്റസ് സ്കൂളിലാണ് സംഭവം. ഒരു ടീച്ചര് കൊല്ലപ്പെട്ടു. അഞ്ച് കുട്ടികള് അടക്കം ആറു പേര്ക്ക് വെടിവയ്പില് പരിക്കേറ്റു.
പ്രാദേശിക സമയം വെള്ളിയാഴ്ച രാവിലെ 8.30നാണ് സംഭവം നടന്നത്. രണ്ട് തോക്കുമായി സ്കൂളിലെത്തിയ വിദ്യാര്ഥി സഹപാഠികള്ക്കും അധ്യാപകര്ക്കും നേരെ വെടിയുതിര്ക്കുകയായിരുന്നു. സംഭവശേഷം വിദ്യാര്ഥി സ്വയം വെടിവച്ച് ജീവനൊടുക്കി.